Təhsil Şurası təhsilin inkişafı yolunda….
Yanvar
ayının 24-ü və
25-ində Təhsil Şurasının “Təhsilin inkişafı üzrə Dövlət Strategiyası” na dəstək
proqramı əsasında Bakı şəhəri,287 nömrəli liseydə
,pedaqoji kadrların metodiki, elmi, nəzəri və təcrübi hazırlığının təkmilləşdirilməsi məqsədilə
həyata keçirilən “Öyrədənlərin öyrədilməsi” layihəsi çərçivəsində
“Elektron tədris resurslarının hazırlanması və tətbiqi qaydaları” üzrə kurs təşkil edildi.Təhsil şurasının sədri Əjdər
Ağayev və proqram rəhbəri Böyükağa Mikayıllı kursda şəxsən iştirak etdilər.Bu
treyninqdə olmuş digər
müəllimlər kimi mən də
oradan xoş təəssüratlarla ayrıldım.Çünki təlim yüksək səviyyədə təşkil
edilmişdi.Kurs rəhbəri Nizami Məmmədli və Sevinc Kənan Niftiyeva orada iştirak edən iyirmiyə yaxın müxtəlif
fənn müəllimlərinə elektron tədris resursları yaratmağın
və bu resurslardan faydalannmağın yollarını öyrətməyə çalışdılar və məncə
buna nail oldular.Onlar müəllimlərə konstruktiv təlim barədə geniş məlumat verdilər.ETR-lərin
mahiyyəti,növləri,ETR yaradarkən əsas tutulan prinsiplər və meyarlar haqqında ətraflı
danışdılar.Bu kurs, eyni zamanda iştirakçıları
Veb1 və Veb 2 alətləri barədə məlumatlandırdı.Veb 2 alətlərindən müəllimlərin dərs prosesində nə şəkildə yararlana biləcəkləri
izah edildi.Ümumiyyətlə İKT-dən faydalanmağın yolları çərçivəsində müxtəlif
alternativlər irəli sürüldü.
Bu gün cəmiyyətimiz
və dövlətimiz müəllim qarşısında çox böyük öhdəliklər qoyur. İnkişaf yolunda irəliləyən Azərbaycan öz müəllimindən
çox şey gözləyir.Müəllim ilk öncə özü cəmiyyətdəki inkişafa və inovativliyə açıq olmalıdır ki,onu qəbul edib, ona
uygunlaşa bilsin. Bu gün biz müəllimlər inkişaf edərək
irəliləməliyik ki,hərtərəfli gənclər yetişdirib cəmiyyətə bəxş edə bilək.Bu zəmindən
yanaşsaq,belə prizmalı kursların təşkil edilməsi cəmiyyətin inkişaf dinamikası
ilə uzlaşmağa çalışan müəllimlər üçün sözün əsl mənasında bir zərurətdir.Mən və
kursda iştirak etmiş digər müəllimlər belə silsilə təlimləri təşkil edən Təhsil
Şurasına və şəxsən Əjdər Ağayevə çox
minnətdarıq. Bizim hələ haqqında öyrənməli və təlimatlanmalı oldugumuz bir çox
aspektlər var.Bunun ücün də mən müəllimlərimizi müxtəlif səpgili treyninqlərdə
və təlim kurslarında iştirak etməyə və onlardan bəhrələnməyə səsləyirəm.Əjdər
müəllimin öz sözləri ilə desək ,əsl pedaqoq ömrünün sonuna qədər öyrənməlidir.
Kürdəmir şəhər
1 nömrəli orta məktəbin ingilis dili müəllimi Məmmədova Mehriban.
Комментариев нет:
Отправить комментарий